sustegna e derasa l’art e la cultura svizra. Cun noss posts exteriurs essan nus preschents en tut il mund e dain novs impuls culturals cun nossas iniziativas.
Nus promovain l’art e la cultura svizra resguardond sia diversitad.
Cun nossas contribuziuns pussibilitain nus novas ovras artisticas, rinforzain il barat cultural tranter las differentas regiuns linguisticas da la Svizra, preschentain la cultura svizra a l’exteriur, promovain la generaziun giuvna d’artists e d’artistas e s’engaschain per l’intermediaziun da l’art al public.
Sco fundaziun naziunala sustegnain nus projects d’impurtanza per l’entira Svizra.
Ina survista da las mesiras da promoziun dals singuls champs spezials:
Cun atgnas iniziativas tematisain nus svilups da la vita culturala actuala e creain novas raits per persunas activas sin il champ cultural en Svizra ed a l’exteriur.
Nossas iniziativas sa basan sin ina collavuraziun cun artistas ed artists, organisaturs, fundaziuns culturalas, posts da promoziun publics e privats sco era cun las represchentanzas diplomaticas da la Svizra a l’exteriur.
Nus tgirain ina rait da posts exteriurs en tut il mund. Els sustegnan il barat cultural da la Svizra cun l’exteriur.
Ils centers culturals preschentan l’art svizzer en metropolas d’art impurtantas. Ils biros da colliaziun fan punts per persunas activas sin il champ cultural da la Svizra en autras regiuns da quest mund e contribueschan al dialog tranter las differentas culturas.
