La litteratura svizra ei uonn hosp vid il festival da litteratura Literatursommer Schleswig-Holstein (Germania). Ils 19. da fenadur ha Adolf Muschg sco hosp d’honur aviert il festival, en presenza dalla ambassadura svizra a Berlin, Christine Schraner Burgener. Entochen fin d’uost presentan Adolf Muschg, Peter Stamm, Arno Camenisch, Dana Grigorcea, Michael Fehr ed Ursula Priess lur novs cudischs en differents liugs en Schleswig-Holstein en varga trenta lecturas. Il vegl iert botanic a Kiel ei ornaus cun placats sur la poesia svizra moderna ed en la casa da litteratura vegnan cartas geograficas litteraras mussa.