Noss biros e partenaris en l’entir mund

Trais da noss posts exteriurs festiveschan giubileums radunds.
Tar las festivitads

Teater/Saut

Promoziun online dals arts figurativs svizzers

Swiss Performing Arts Headerpicture

Contact

Kirsten Barkey
Teater
kbarkey@prohelvetia.ch
T +41 44 267 71 92

Romain Galeuchet
Communicaziun
rgaleuchet@prohelvetia.ch
T +41 44 267 71 32

I dat ina nova pagina-web cun responsive design persvadent per la scena dals arts figurativs. performingarts-selection.ch da Pro Helvetia porscha ina survista selectiva da producziuns da teater e da saut actualas e serva sco instrument da promoziun per passa 80 gruppas svizras da teater e da saut instituziunalas u independentas. La selecziun resguarda gruppas che fan regularmain turas internaziunalas e ch’èn vegnidas sustegnidas finanzialmain da Pro Helvetia pliras giadas ils ultims dus onns.

La nova pagina-web cumpiglia ina curta preschentaziun da las gruppas sustegnidas e colliaziuns a lur agens chanals da communicaziun, in’agenda culturala ed in menu interactiv cun tut las datas ed ils lieus da premiera da las producziuns. Plinavant chatt’ins sin la pagina festivals ed ulteriuras occurrenzas culturalas impurtantas da la scena da saut e teater en Svizra che pudessan esser d’interess per partenaris internaziunals, la gruppa en mira da performingarts-selection.ch – disponibla sulettamain en englais. La plattafurma serva sco funtauna d’infurmaziun unica e centralisada per ambassadas e consulats svizzers sin l’entir mund. Organisaturs d’occurrenzas culturalas a l’exteriur pon acceder cun in singul clic ad ina selecziun da l’art figurativ svizzer d’auta qualitad.