NAIRS – La cultura da bajegiar engiadinaisa ier ed oz (GR)
Davart l’ester en l’agen
La Fundaziun NAIRS en l’Engiadina è sala d’art, center cultural e chasa d’artists enina. En sia funcziun sco center cultural s’occupa ella cun la cultura, la lavur culturala ed ils problems da la regiun. Uschia tematisescha ella l’identitad da l’Engiadina dad oz e realisescha occurrenzas davart la vita culturala da la Rumantschia.
Dapi il 2015 drizza la Fundaziun NAIRS sia attenziun spezialmain sin las influenzas estras che influenzeschan l’Engiadina fin oz. Sut il titel «La cultura da bajegiar engiadinaisa ier ed oz – davart l’ester en l’agen» ha ella concepì set projects parzials che han dilucidà las influenzas externas sin l’Engiadina or dal punct da vista artistic, architectonic, geografic e social. Per chapir las atgnas ragischs èsi necessari da guardar precis. Tar ils projects han guids tras e discurs davart construcziuns dals ultims 15 onns tutgà, workshops en connex cun il material da construcziun chaltschina sco basa da la cultura da bajegiar engiadinaisa, intervenziuns artisticas, in colloqui public davart il tema «L’ester en l’agen» sco er ina publicaziun.
«La cultura da bajegiar engiadinaisa ier ed oz – davart l’ester en l’agen» ha cumenzà l’onn 2015 ed è cuntinuada fin il 2017.
Impressiuns
