Noss biros e partenaris en l’entir mund

Trais da noss posts exteriurs festiveschan giubileums radunds.
Tar las festivitads

Diversitad culturala en las regiuns

Sa sentir en il teater sco da chasa

Hommes Hideux

Diversitad culturala en las regiuns

Tra il dossier

Empè da seser en ina sala gronda sesa il public sin in canapé cumadaivel en ina stiva privata e sco en l’emprima retscha dal teater. Cun «Spectacles en Appartements» preschenta il fOrum culture trais tocs en differentas abitaziuns privatas en il chantun Giura, en il Giura Bernais ed a Bienna. Pro Helvetia sustegna las 50 represchentaziuns en il rom da l’iniziativa «Varietad culturala en las regiuns». Ellas han lieu il favrer fin matg 2018.

Quella giada bandunan ils giasts il center da la citad e van encunter la periferia da Delemunt, e là, nua ch’i suondan mo pli prads e muntognas, s’inscuntran els per la represchentaziun da teater da Julien Mégroz. Ses toc «La Table des Matières» è l’emprim en il rom da «Spectacles en Appartements». Gia il suentermezdi è el arrivà cun tecnicists da tun e da glisch ed ha endrizzà sia tribuna en la stiva d’ina chasa da pliras famiglias. La culissa exista sulettamain d’ina maisa e d’ina lampa cun pe. Gia curt suenter che l’inscenaziun d’ina suletta persuna ha cumenzà, transfurman la glisch ed il tun la sceneria simpla però en in univers che sa mida cuntinuadamain.

Era las localitads da l’abitaziun integrescha Julien Mégroz a moda multifara ed inschignusa en ses toc poetic-ironic ed intermediescha al public uschia il sentiment dad esser amez quai che capita. El creescha ina vischinanza che na fiss betg pussaivla en la gronda sala da teater. L’atmosfera intima e famigliara che resulta grazia a las represchentaziuns en abitaziuns privatas cun in pitschen public, fan daventar ils «Spectacles en Appartements» insatge tut particular.