Megliers giavischs per il 2019!
La Fundaziun svizra per la cultura Pro Helvetia promova la litteratura svizra per uffants e giuvenils. Ella è la partenaria principala da la preschientscha da la Svizra sco pajais ospitant a la Fiera da cudeschs per uffants a Bologna 2019.
2: Mirjana Farkas
Mirjana Farkas viva a Genevra. Suenter il master en istorgia studegia ella illustraziun a l’Escola Massana de Barcelone, nua ch’ella viva tranter il 2004 ed il 2010. Ella illustrescha artitgels da pressa e placats e lavura vi d’agens projects: cudeschs per uffants e giuvenils, serigrafias, exposiziuns collectivas. Ses album «Carnet de bal» (La Joie de lire, 2014), che chatta fitg buna accoglientscha tar il public, vegn coreografà e sautà da Madeleine Raykov. Ses dissegns sa distinguan tras paginas dinamicas, furmas sinteticas, in’attenziun particulara als detagls e colurs frestgas. Il 2018 è cumparì «Dans mon corps…» (Joie de lire), ina spassegiada plitost emoziunala che anatomica tras il corp da l’uffant.
mirjanafarkas.com
0: Pia Valär
Nascha il 1983 e crescha si en l’Engiadina. Ella studegia illustraziun a l’Edinburgh College of Art e lavura suenter ses studi sco illustratura independenta. En sia lavur sco dissegnadra l’interessan surtut las istorgias pussaivlas e nunpussaivlas dal mintgadi – ch’ella cundescha gugent cun in presa melanconia, poesia ed umor. Il 2015 retschaiva ella il premi da promoziun dal chantun Grischun.
piavalaer.ch
1: It’s Raining Elephants
9: Paloma Canonica
Paloma Canonica nascha il 1989 a Santiago de Chile e crescha si en il Tessin a Prato-Leventina. Actualmain lavura ella sco illustratura ed animatura da films da stop-motion tranter la Svizra e la Spagna. Ella publitgescha divers cudeschs en la chasa editura Bohem Press Italia e collavura cun pliras chasas edituras svizras, tranter auter cun la chasa editura tessinaisa Marameo.
palomacanonica.com
