Litteratura plurilingua

A partir da l’onn 2021 schlargia Pro Helvetia sia promoziun da creaziun litterara e resguarda texts en tut las linguas: per las contribuziuns ad ina creaziun (avant: contribuziuns ad in’ovra) pon da nov s’annunziar auturas ed auturs da tut las linguas. Quai signifitga che er auturas svizras ed auturs svizzers che na scrivan betg en las linguas naziunalas pon inoltrar dumondas per ina contribuziun ad ina creaziun. Las cundiziuns èn las medemas sco fin uss: avair il dretg da burgais svizzer u in domicil stabel en Svizra ed esser enragischada resp. enragischà en la scena da litteratura svizra. Nov è era che las contribuziuns ad ina creaziun vegnan publitgadas duas giadas l’onn cun termin final d’inoltraziun il 1. da mars resp. il 1. da settember.