Noss biros e partenaris en l’entir mund

Dossier >

Fieras internaziunalas da cudeschs e promoziun da cudeschs

Contact

Eva Stensrud
Litteratura
estensrud@prohelvetia.ch

T +41 44 267 71 62

Las fieras internaziunalas da cudeschs èn lieus d’inscunter tant per nars da cudeschs sco era per experts. Qua preschentan chasas edituras lur novas ediziuns, han lieu simposis spezialisads ed events da litteratura ed i vegn commerzià licenzas. Era las chasas edituras svizras preschentan lur cudeschs: fieras da cudeschs èn damai impurtantas plattafurmas per la preschientscha culturala da la Svizra a l’exteriur, per la promoziun da cudeschs svizzers e per il barat cultural.

Pro Helvetia sustegna ils stans cuminaivels da las trais uniuns da librarists ed editurs a las diesch fieras internaziunalas da cudeschs las pli impurtantas: a Francfurt, Leipzig, Vienna, Londra, Bologna, Paris, Brüssel, Montreal, Turin e Roma. Dapi il 2016 promova Pro Helvetia plinavant activitads variadas per promover cudeschs svizzers: a chaschun dad ulteriuras fieras da cudeschs però er en il rom da festivals internaziunals e da projects da cooperaziun tranter acturs svizzers ed internaziunals.
Savevas Vus ch’i na vegnan vendids nagins cudeschs a la pli gronda fiera da cudeschs dal mund? Savevas Vus ch’in pèrin d’artists svizzer ha gì il 2016 grond success a la fiera spezialisada per cudeschs d’uffants e giuvenils a Bologna? Sche Vus vulais vegnir a savair dapli davart fieras da cudeschs, essas Vus qua en il dretg lieu.

Budget 2016CHF 500'000 per fieras da cudeschs e CHF 200'000 per la promoziun da cudeschs
Lieus da fiera 2016Bologna, Brüssel, Francfurt, Leipzig, Londra, Montreal, Paris, Roma, Turin, Vienna
PartenarisAssociaziun svizra dals librarists e dals editurs (SBVV); Association Suisse des Diffuseurs, Editeurs et Libraires (ASDEL); Società Editori Svizzera Italiana (SESI).

Oters dossiers