Noss biros e partenaris en l’entir mund

Incumbensa e basas legalas

Pro Helvetia promova l’art e la cultura da la Svizra considerond la diversitad ed in’auta qualitad. Sco instituziun da promoziun da la Confederaziun sustegnain nus projects relevants per tut la Svizra.

Nossa activitad da promoziun sco fundaziun autonoma cumpiglia:

Nova generaziun

A persunas activas sin il champ artistic e cultural cun la perspectiva d’ina carriera naziunala u internaziunala purschain nus en collavuraziun cun instituziuns partenarias tschernidas programs da residenza e da coaching, pussibilitain occasiuns da sa preschentar e contribuin ad offertas da colliaziun.

Creaziun artistica

Nus concedin contribuziuns ad in’ovra, contribuziuns a la producziun e contribuziuns a la creaziun a persunas activas sin il champ cultural ch’èn d’impurtanza surregiunala e promovain uschia la realisaziun da creaziuns, da prototips e da producziuns d’auta qualitad sin il sectur artistic en Svizra.

Barat cultural en Svizra

Nus sustegnain projects ed occurrenzas artisticas che contribueschan a la derasaziun dad ovras ed a la chapientscha vicendaivla tranter las regiuns. Quai faschain nus tranter auter cun conceder contribuziuns a turneas entaifer la Svizra, a prelecziuns, concerts, exposiziuns, translaziuns e festivals.

Barat cultural, derasaziun e promoziun ordaifer la Svizra

Per derasar l’art e la cultura da la Svizra a l’exteriur sco era per promover il barat cun auters spazis culturals faschain nus contribuziuns ad occurrenzas, projects e translaziuns. Per che las persunas activas sin il champ cultural en Svizra possian sa posiziunar meglier en raits e martgads internaziunals e per ch’ellas vegnian percepidas meglier da las organisaturas e dals organisaturs en Svizra ed a l’exteriur, realisain nus mesiras per la promoziun internaziunala e finanziain la participaziun svizra ad occurrenzas en tut il mund.

Impuls culturals

Cun programs da promoziun e da retschertga specifics gidain nus ad identifitgar svilups e sfidas essenzialas en la promoziun da la cultura, a sviluppar mesiras correspundentas, a dar impuls ed a crear spazi per l’innovaziun.

Nova generaziun

A persunas activas sin il champ artistic e cultural cun la perspectiva d’ina carriera naziunala u internaziunala purschain nus en collavuraziun cun instituziuns partenarias tschernidas programs da residenza e da coaching, pussibilitain occasiuns da sa preschentar e contribuin ad offertas da colliaziun.

Intermediaziun d’art

Nus promovain mesiras che persvadan il public da s’occupar individualmain cun ils arts per al avischinar uschia ad ovras ed a preschentaziuns artisticas. Promovidas vegnan cunzunt novas furmas da la reflexiun critica davart la producziun artistica e culturala contemporana.

Ina descripziun detagliada da nossas incumbensas chattais Vus en la lescha per promover la cultura (vesair sutvart).


Basas legalas

Pro Helvetia è ina fundaziun da dretg public. Nossa incumbensa che nus ademplin autonomamain è determinada en la lescha per promover la cultura dals 11 da december 2009. Quella descriva e definescha era la repartiziun da las cumpetenzas da la Confederaziun areguard la lavur culturala tranter la fundaziun e l’Uffizi federal da cultura (UFC). Il parlament fixescha il rom d’expensas da Pro Helvetia cun la missiva davart la finanziaziun da la promoziun culturala da la Confederaziun.

Nossa lavur sa funda sin ils suandants documents da basa:
Lescha per promover la cultura (Kulturförderungsgesetz)
Ordinaziun davart la promoziun da la cultura (Kulturförderungsverordnung
Finamiras strategicas dal Cussegl federal 2021-2024
(Strategische Ziele des Bundesrates für die Stiftung Pro Helvetia 2021-2024)
Missiva da cultura da la Confederaziun 2021-2024
(Botschaft zur Förderung der Kultur in den Jahren 2021–2024 (Kulturbotschaft 2021–2024))
Ordinaziun davart contribuziuns da Pro Helvetia (Beitragsverordnung)
Urden da fatschenta da Pro Helvetia (Geschäftsordnung)

 

Colliaziuns en connex cun la promoziun da la cultura publica en Svizra
Uffizi federal da cultura (UFC)www.bak.admin.ch
Conferenza dals incumbensads dals chantuns per dumondas culturalaswww.edk.ch
Conferenza da las citads areguard la culturawww.skk-cvc.ch
Promoziun culturala Svizrawww.kulturfoerderung.ch