Noss biros e partenaris en l’entir mund

Trais da noss posts exteriurs festiveschan giubileums radunds.
Tar las festivitads

Indicaziuns giuridicas

La protecziun da Vossa sfera privata è per nus fitg impurtanta. Resguardai p.pl. ils suandants puncts da nossa decleraziun davart la protecziun da datas.

Champ d’applicaziun

La decleraziun davart la protecziun da datas vala per tut las paginas-web da Pro Helvetia. Per paginas d’internet da terzs colliadas cun las paginas-web da Pro Helvetia na vegn surpigliada nagina responsabladad areguard l’observaziun da las disposiziuns en connex cun la protecziun da datas.

Protecziun da datas

Sa basond sin l’artitgel 13 da la Constituziun federala e sin las disposiziuns en connex cun la protecziun da datas da la Confederaziun ha mintga persuna il dretg sin la protecziun da sia sfera privata sco era sin la protecziun cunter l’abus da sias datas privatas. Pro Helvetia observa questas disposiziuns. Datas privatas vegnan tractadas a moda strictamain confidenziala ed ellas vegnan ni vendidas ni surdadas a terzs.

En stretga collavuraziun cun noss providers da servetschs d’internet ans spruvain nus da proteger las bancas da datas uschè bain sco pussaivel d’access esters, da perditas, d’abus u da falsificaziun.

Cun acceder a la pagina-web vegnan memorisadas las suandantas datas en datotecas da protocol: adressa IP, data, temp, dumonda dal navigatur ed infurmaziuns generalas transmessas davart il sistem operativ resp. davart il navigatur. Questas datas d’utilisaziun èn la basa per evaluaziuns statisticas ed anonimas. Uschia sa mussan tendenzas, a maun da las qualas Pro Helvetia po meglierar sia purschida.

Durant l’emprim contact voluntar vegnan Vossas datas da contact registradas en ina banca da datas separada che na vegn betg colliada cun las datotecas da protocol anonimas. Vus avais da tut temp la pussaivladad d’annullar Vossa registraziun.

Cookies

Questa pagina-web dovra cookies. Cookies èn pitschnas datotecas da text che Voss computer memorisescha durant la visita da questa pagina-web a moda duraivla u temporara. L’intent dals cookies è en spezial d’analisar l’utilisaziun da questa pagina-web per far analisas statisticas e meglieraziuns cuntinuadas.

Vus pudais impedir cookies cun configurar correspundentamain Vossa software dal navigatur; nus As rendain però attent che Vus na pudais en quel cas eventualmain betg nizzegiar cumplainamain tut las funcziuns da questa pagina-web.

Google Analytics

Questa pagina-web nizzegia las funcziuns dal servetsch d’analisa dal web Google Analytics. En pli è integrà Google Maps. La purschidra è Google Inc., 1600 Amphitheatre Parkway Mountain View, CA 94043, USA.

Google Analytics utilisescha agens cookies. Quai èn datotecas da text che vegnan memorisadas sin Voss computer e che pussibiliteschan d’analisar Vossa utilisaziun da la pagina-web. Las infurmaziuns davart Vossa utilisaziun da la pagina-web ch’il cookie generescha vegnan per regla transmessas ad in server da Google en l’USA e memorisadas là.

Vus avais la pussaivladad da deactivar il servetsch da Google Analytics e d’impedir uschia il transfer da datas a Google cun installar l’Add-On “Opt Out” per Voss navigatur.

Dapli infurmaziuns co che Google Analytics tracta las datas d’utilisaders chattais Vus en la decleraziun davart la protecziun da datas da Google.

Google Maps

En questa pagina-web èn integradas cartas da Google Maps. La purschidra è Google Inc., 1600 Amphitheatre Parkway Mountain View, CA 94043, USA.

Cun utilisar Google Maps pon infurmaziuns davart Vossa utilisaziun da questa pagina-web (inclus Vossa adressa IP) vegnir transmessas ad in server da Google en l’USA e vegnir memorisadas là. Google attribuescha eventualmain las datas acquistadas cun Google Maps a terzs, premess che quai è prescrit legalmain u che terzs elavuran questas datas per incumbensa da Google.

Vus avais la pussaivladad da deactivar il servetsch da Google Maps e d’impedir uschia il transfer da datas a Google. Per far quai stuais Vus deactivar en ils parameters da Voss navigatur l’utilisaziun da JavaScript. Nus As rendain però attent che Vus na pudais en quel cas eventualmain betg nizzegiar cumplainamain tut las funcziuns da questa pagina-web.

Dapli infurmaziuns co che vegnan tractadas datas d’utilisaders chattais Vus en las cundiziuns d’utilisaziun da Google Maps.

YouTube

En questa pagina-web èn integrads videos che vegnan purschids sin la plattafurma YouTube. «YouTube» stat per YouTube LLC, 901 Cherry Avenue, San Bruno, CA 94066, USA.

Nus nizzegiain l’uschenumnà «modus da protecziun da datas extendì». Damai vegn pir memorisà in cookie sin Voss computer, cura ch’il video va. Tenor YouTube na vegnan memorisadas naginas infurmaziuns da cookies persunalas, sch’ins lascha ir videos integrads cun ina protecziun da datas extendida. Sche Vus vulais far la segira ch’i na vegnian memorisadas naginas datas da Vus tar YouTube, na cliccai betg sin ils videos integrads.

Dapli infurmaziuns co che YouTube tracta datas d’utilisaders chattais Vus medemamain en la decleraziun davart la protecziun da datas da Google.