Champs da sustegn
da Pro Helvetia
Spartas
Pro Helvetia sustegna projects artistics e lur derasaziun en tschintg spartas. La fundaziun pussibilitescha ultra da quai residenzas e viadis da retschertga en tut las spartas en Svizra ed en tut il mund.
Innovaziun e Societad
Il champ Innovaziun e societad ha ina funcziun interdisciplinara entaifer la fundaziun. Cun l’intent da dar impuls specifics per la transfurmaziun en il sectur cultural sa focussescha il champ sin las trais dimensiuns strategicas: novas furmas da la collavuraziun, digitalitad e svilup persistent.
Residenzas
Viadis da retschertga da duas fin quatter emnas
Pro Helvetia sustegna viadis da retschertga (max. quatter emnas) en Svizra e da la Svizra en tut il mund. S’annunziar pon Svizras e Svizzers u artistas ed artists che vivan en Svizra ed artistas ed artists da las regiuns cun in post da colliaziun (regiun araba, America dal Sid, Asia da l’Ost, Asia dal Sid e Vietnam, Africa dal Vest, Africa Centrala, Africa da l’Ost ed Africa meridiunala).