Cahiers d’Artistes 1984-2023

Cun ils Cahiers d’Artistes ha Pro Helvetia pussibilità ad artistas ed artists empermettents da la Svizra in’emprima publicaziun artistica e monografica e porscha a persunas spezialisadas dal mund artistic sco er al public artistic interessà ina vitrina davart tendenzas actualas da la scena artistica svizra.

En quest archiv chattan ins publicaziuns da persunas activas en il champ cultural sco Fischli/Weiss (1985), Pipilotti Rist (1994), Valentin Carron (2004) u Claudia Comte (2014), cun texts da criticras e critichers sco Jean-Christophe Ammann (1986), Rein Wolfs (1999), Dorothea Strauss (2004) u Chris Kraus (2019). Fin ussa èn cumparidas var 160 publicaziuns.

Suenter ch’ils Cahiers d’Artistes èn vegnids publitgads al cumenzament en ediziun privata, era Lars Müller Publishers responsabla la fin dals onns 1990 e dapi l’onn 2006 publitgescha la chasa editura Edizioni Periferia, Lucerna/Poschiavo ils cudeschs. Cun la creaziun è vegnì incumbensà dals onns 2015 fin 2021 il studio da design da grafica Bonbon cun sedia a Turitg. La publicaziun 2023 è vegnida fatga da Jungle Books.