Design

En il sectur dal design promovain nus design professiunal contemporan, p.ex. il design da textilias, da moda, da products, da servetschs, da grafica, design industrial, etc. Exclus da la promoziun da design èn objects architectonics, artistics e fotografics. Quels vegnan promovids dal sectur dals arts visuals.

En il sectur dal design da games promovain nus cuntegns digitals sviluppads a moda professiunala per apparats sco computers, consolas da gieus, apparats mobils u cuntegns per «mixed reality». Lur utilisaziun dovra vastas abilitads d’interagir che influenzeschan fermamain ils cuntegns.

Gea. Exclus da nossa promoziun da design èn tranter auter unicats, projects da gallaria, projects artisanals, reediziuns sco era lavurs realisadas per incumbensa u per intents commerzials u per intents da reclama.

Da princip s’adressescha la gronda part da noss formats da promoziun ad «emerging talents». Nus manegiain cun quai sviluppadras e sviluppaders da design (da games) professiunals che han fatg ina scolaziun relevanta u èn sa registrads (sco firma) avant main che set onns.

En il sectur da design ston las dumondas vegnir inoltradas d’ina persuna independenta, ina firma singula u ina firma ch’è vegnida registrada cumprovadamain avant main che set onns, en cas che la scolaziun è vegnida terminada avant dapli che set onns.

En il sectur da design da games dependa l’access a la promoziun plinavant da la fasa da project, per la quala Vus As annunziais:

• Dumondas per ina contribuziun per la preproducziun na ston betg exnum vegnir inoltradas d’ina persuna giuridica (ScRL, SA, etc.). Ina persuna independenta, ina firma singula u ina firma ch’è vegnida registrada cumprovadamain avant main che set onns po inoltrar dumondas, en cas che la scolaziun è vegnida terminada avant passa set onns.
• Dumondas per ina contribuziun per la producziun u producziun posteriura ston vegnir inoltradas d’ina persuna giuridica (ScRL, SA, etc.) ch’è sa registrada cumprovadamain avant main che set onns. Firmas singulas pon medemamain inoltrar ina dumonda, sche la scolaziun è vegnida terminada avant main che set onns, sch’igl exista la prontadad da transfurmar quella en ina persuna giuridica.

Per ch’il status possia vegnir verifitgà sto la cumprova dad «emerging talent» stringentamain vegnir inoltrada per omadus secturs ensemen cun la dumonda.

Las expertas ed ils experts suttascrivan ina cunvegna da secretezza avant che tscherner ils projects. Las designras ed ils designers vegnan contactads avant la publicaziun da las infurmaziuns davart ils projects sustegnids.

Damai ch’il sectur da design da Pro Helvetia collavura cun ina giuria internaziunala, duess ins da princip inoltrar las dumondas per englais. En cas excepziunals pon ins inoltrar ina resumaziun dals puncts principals (max. 1 pagina A4)  da la dumonda da sustegn en tudestg, franzos u talian. Pro Helvetia translatescha questa resumaziun lura en englais per la giuria.

La contribuziun da producziun è ina finanziaziun cumplementara e concepida sco «matching grant». Quai munta che las persunas petentas ston cumprovar ina finanziaziun estra u in’atgna finanziaziun per la fasa da producziun dal project. La contribuziun da sustegn correspunda a l’autezza da questa finanziaziun estra u da l’atgna finanziaziun («matching») e munta a maximalmain CHF 50’000. Tar la finanziaziun estra u l’atgna finanziaziun sto vegnir inoltrà supplementarmain in document suttascrit che cumprova che la summa inditgada è vegnida investida sulettamain en la producziun da quest project.

Na. Dossiers betg cumplets na vegnan betg preschentads a la giuria. Ils documents ston vegnir inoltrads, tenor la successiun descritta en il fegl d’infurmaziun, sco documents da PDF. Suenter l’ultim termin d’annunzia na vegnan acceptads nagins documents supplementars pli.

La «value proposition» duess declerar en paucas frasas tge martgads e gruppas en mira ch’il studio vul cuntanscher e tge finamiras ch’el persequitescha. Sin la pagina «annexas» en il portal da dumondas stat a disposiziun in muster. Ins po telechargiar quel uschespert ch’ina dumonda vegn iniziada.

Ins po inoltrar duas giadas la medema dumonda, dentant mo sch’il project è sa sviluppà vinavant a moda substanziala, per exempel sch’èn sa midadas parts visiblas ed essenzialas dal cuntegn ch’influenzeschan fermamain il concept. En in tal cas recumandain nus da sa referir a questas midadas en la dumonda e da declerar en tge moda ch’il project è sa sviluppà.

En il rom da nossa promoziun da design organisain nus preschentaziuns ed exposiziuns ad occurrenzas relevantas en Svizra ed utrò sco per exempel a la Milano Design Week, Design Days Losanna/Genevra u a programs da matchmaking a Copenhagen.

En il rom da nossa promoziun dal design da games organisain nus delegaziuns da studios svizzers giuvens per la Game Developers Conference a San Francisco, la Gamescom a Cologna e la Nordic Game Conference a Malmö.

La participaziun a questas plattafurmas vegn fatga via publicaziuns. Per render giustia als basegns ed al potenzial vegn la tscherna da las plattafurmas controllada regularmain.

Sche Vus pudais As participar ad ina plattafurma internaziunala, ina residenza u ad in viadi da perscrutaziun u sche Vus avais survegnì in sustegn per la participaziun individuala ad ina plattafurma, surpiglia Pro Helvetia maximalmain CHF 250 ad emna u CHF 1000 al mais dals custs supplementars per la tgira d’uffants.

Pro Helvetia po surpigliar ils suandants custs:

– tgira d’uffants supplementara a chasa u al lieu 

– custs da viadi supplementars en il pajais da destinaziun per ils uffants ed ina persuna che assista, p.ex. la partenaria, il partenari u in:a confamigliar:a. – Alloschi per ils uffants ed ina persuna che assista en il pajais da destinaziun.