© Data Orbit and Lucas Manser

Design

A tgi sa drizzan noss formats?

Nus promovain la creaziun e la derasaziun da tut ils secturs dal design contemporan professiunal inclus il design da games.

Nossas activitads da promoziun sa drizzan da princip a mintg:a design:ra professiunal:a ed a las instituziuns organisaturas. Tschertas mesiras èn dentant destinadas exclusivamain per design:ras professiunal:as che han terminà la scolaziun relevanta u creà in’interpresa (sco persuna giuridica) avant maximalmain set onns.

Tgeninas èn nossas activitads da promoziun?

  • concurrenzas semestrilas per il sustegn da las differentas fasas da svilup d’in project (concept, producziun e commerzialisaziun)
  • publicaziuns annualas per delegaziuns per sa participar a fieras u a plattafurmas naziunalas ed internaziunalas
  • contribuziuns per participaziuns individualas ad occurrenzas internaziunalas
  • mesiras da coaching, mentoring e matchmaking sco era lavuratoris
  • residenzas e viadis da retschertga
  • publicaziuns davart il design contemporan en Svizra
  • sustegn d’exposiziuns tematicas e dal barat da savida entaifer ed ordaifer la Svizra en connex cun la creaziun contemporana da design svizzer
  • En il sectur dal design da games organisescha Pro Helvetia ensemen cun instituziuns partenarias la participaziun svizra sin fieras internaziunalas sut la marca “SwissGames”

FAQs

Tge secturs da la creaziun da design professiunal sustegna Pro Helvetia?

En il sectur dal design promovain nus designs professiunals contemporans, p.ex. il design da textilias, da moda, d’industria, da products, da servetschs, da grafica etc.

En il sectur dal design da games promovain nus cuntegns digitals sviluppads a moda professiunala per apparats sco computers, consolas da gieus, apparats mobils u cuntegns per Mixed Reality. Lur utilisaziun dovra vastas abilitads d’interagir che han ina gronda influenza sin ils cuntegns.

A tge fieras e plattafurmas naziunalas ed internaziunalas sa participescha Pro Helvetia?

Pro Helvetia examinescha regularmain la tscherna da las plattafurmas per satisfar als basegns ed al potenzial, p.ex.:

En il rom da nossa promoziun dal design organisain nus preschentaziuns ed exposiziuns a la Milan Design Week u a chaschun dals programs da matchmaking a Copenhagen.

En il rom da nossa promoziun dal design da games organisain nus delegaziuns da giuvens studios svizzers che sa participeschan a la Game Developers Conference a San Francisco, a la Gamescom a Cologna ed a la Tokyo Game Conference.

La participaziun a questas plattafurmas succeda a maun da publicaziuns.

Mes project è in project da gallarias. Excluda quai in sustegn?

Nossa promoziun dal design excluda tranter auter unicats, projects da gallarias, projects artisanals, reediziuns sco era lavurs realisadas per incumbensa u per intents commerzials u intets da reclama.

Tge furma giuridica dovrel jau per inoltrar ina dumonda? Stoss jau avair in’interpresa?

Il project sto vegnir inoltrà d’ina persuna giuridica (ScRL, SA, etc.). Firmas singulas èn medemamain admessas, sche la prontadad è qua da transfurmar quellas en ina persuna giuridica.

Tut ils dretgs d’autur e dretgs d’utilisaziun èn reglads ed en possess da la purtadra u dal purtader dal project.

Jau vuless che mes project restia confidenzial, cunquai che mia marca u mes project n’ha anc nagin patent. È quai pussaivel?

Las expertas ed ils experts suttascrivan ina cunvegna da secretezza avant che tscherner il project. Las designras ed ils designers vegnan contactads avant la publicaziun da las infurmaziuns davart ils projects sustegnids.

Jau na sun betg capab:la d’inoltrar ina dumonda da sustegn en englais. Co poss jau proceder?

Ina dumonda da sustegn pon ins inoltrar en tudestg, franzos u talian. Igl è d’inoltrar ina resumaziun dals puncts principals (max. 1 pagina A4) che vegn translatada da Pro Helvetia per la giuria internaziunala.

Fa la promoziun da l’architectura e da la fotografia (p.ex. per exposiziuns u publicaziuns) da Pro Helvetia part dal sectur design u dal sectur arts visuals?

L’architectura e la fotografia vegnan promovidas dal sectur arts visuals.


Avais vus dumondas e vulais vus discurrer cun ina commembra u cun in commember dal team?

Il team a in’egliada