Innovaziun e societad
Il champ Innovaziun e societad ha ina funcziun interdisciplinara entaifer la fundaziun. Cun l’intent da dar impuls specifics per la transfurmaziun en il sectur cultural sa focussescha il champ sin las trais dimensiuns strategicas: novas furmas da la collavuraziun, digitalitad e svilup persistent. Sustegnids vegnan projects che tematiseschan svilups socials e tecnologics e che promovan l’innovaziun en il sectur cultural svizzer.
Promoziun da Innovaziun e societad
A tgi sa drizzan noss formats?
Noss formats da promoziun sa drizzan ad instituziuns ed organisaziuns culturalas sco er a persunas dal champ da l’art e da la cultura domiciliadas en Svizra ed activas en tut las spartas sustegnidas da Pro Helvetia.
Tgeninas èn nossas activitads da promoziun?
- sustegn d’occurrenzas culturalas en Svizra davart temas sco svilup persistent, transfurmaziun digitala u novas furmas da la collavuraziun
- sustegn da process da transfurmaziun per instituziuns ed organisaziuns culturalas
- transfer da savida e provediment d’instruments da lavur e da mussavias per il sectur cultural (p.ex. Sustainable Impact Tool)
- sustegn per experimentar cun novas metodas e furmas da la collavuraziun interdisciplinara tranter l’art e secturs betg artistics (p.ex. PolArts)
- contribuziuns a projects da retschertga davart aspects structurals dal svilup persistent e da la digitalitad en la pratica artistica e culturala
- contribuziuns da producziun (ultima realisaziun dad Art+: creaziun contextuala. Data d’inoltraziun: 1. da mars 2026)
- sustegn d’activitads da promoziun specificas en las spartas
What’s on
-
Aktualisierte und neue Förderformate 2026
-
Community for women in gaming: She Got Game delegation in Argentina
-
Sustainable Impact Tool: Analyse und Gestaltung nachhaltiger Veränderung im Kulturbereich
-
2026: Anpassungen Förderformate Innovation & Gesellschaft
-
Finding synergies in international transdisciplinary collaboration
-
Fostering deeper relationships: research and reciprocity in curatorial practice
-
Connect Argentina residency: selected artists
-
Translating practices: learnings from curators’ trips to Switzerland
Tools & Links
- Sustainable Impact Tool
Analisa e concepziun da midada durabla en il sectur cultural
Recumandaziuns da posts da promoziun: politica culturala persistenta
Resultats da la gruppa da lavur «Ecologia en il sectur cultural» dal Dialog cultural naziunal
Project da perscrutaziun «monitoring dal gender e da la diversitad en manaschis culturals»
Resultats dal project da cooperaziun da Pro Helvetia, dal Center interdisciplinar per studis da genders (IZFG) da l’Universitad da Berna e dal Swiss Center for Social Research (CSR)
Executive Summary
Rapport da perscrutaziun
Recumandaziuns da posts da promoziun: participaziun culturala en la societad da migraziun
- Art, Science & Technology DirectoryPlattafurma cun organisaziuns mundialas che lavuran sin la interfassa tranter art, scienza e tecnologia
FAQs
Tge chapescha Pro Helvetia sut «transfurmaziun»?
En il senn da la logica d’efficacitad dad Innovaziun e societad n’è la transfurmaziun betg mo in resultat, mabain in process avert ed orientà a l’emprender ch’è concepì a moda co-creativa, transdisciplinara ed experimentala. La finamira è da metter en dumonda ils sistems existents considerond las sfidas socialas, ecologicas e digitalas e d’experimentar cun novas furmas da la collavuraziun, da la represchentaziun e da la pratica creativa e culturala. Las cundiziuns structuralas duain vegnir midadas da maniera ch’il process po daventar efficazi sco levagl transfurmativ per gistadad sociala, persistenza e digitalitad.
Tge è in process da transfurmaziun? Tge vegn sustegnì?
In process da transfurmaziun en in’instituziun u en in’organisaziun culturala è in process da midada specific e reflexiv che metta en dumonda e sviluppa vinavant las structuras existentas per cuntanscher effects socials relevants, duraivels e persistents. En il rom da l’accumpagnament dal process sustegna Pro Helvetia l’accumpagnament d’instituziuns e d’organisaziuns culturalas tras expert:as per la transfurmaziun.
Jau organisesch in’occurrenza culturala davart il tema diversitad e/u persistenza ecologica. Tge instrument da promoziun è adattà per mai?
Vus pudais inoltrar ina dumonda per il format da promoziun «Occurrenza: la cultura en transfurmaziun».
Jau vuless inoltrar ina dumonda per in project d’intermediaziun che tematisescha dumondas da la persistenza ed integrescha iniziativas da sensibilisaziun specificas. È il format «Occurrenza: la cultura en transfurmaziun» adattà per quest intent?
En il rom dad Innovaziun e societad èn exclusas contribuziuns per formats da sensibilisaziun punctuals. Pro Helvetia na sustegna ni la concepziun ni la realisaziun da projects d’intermediaziun.
Jau sun ina persuna spezialisada dal sectur scientific en ina scola auta svizra ed organisesch là in’occurrenza per crear raits tranter l’art e la scienza. Poss jau inoltrar ina dumonda a Pro Helvetia?
Na, la dumonda sto vegnir inoltrada d’ina instituziun u organisaziun culturala.
Jau sun ina persuna professiunala dal sectur industrial e tecnologic e vuless far ina dumonda da contribuziun per in hackaton che reunescha persunas da l’art e da la tecnologia. Poss jau inoltrar ina dumonda a Pro Helvetia?
Na. La dumonda sto vegnir inoltrada d’ina artista u d’in artist ubain d’ina instituziun resp. organisaziun culturala.
Mia instituziun vuless organisar en il rom d’ina premiaziun in’occurrenza cun artistas ed artists. Pudain nus inoltrar ina dumonda a Pro Helvetia?
Na. Projects en il rom da premis/undraziuns ed occurrenzas respectivas èn exclusas d’in sustegn.
Jau vuless sviluppar in instrument da lavur per il sectur cultural. Hai jau la pussaivladad da survegnir sustegn en il rom dal champ Innovaziun e societad?
Il champ Innovaziun e societad na sustegna betg pli instruments da lavur. Dapi sia introducziun ha el sustegnì differentas instituziuns, organisaziuns, iniziativas e persunas dal sectur cultural da lantschar e rinforzar projects innovativs, instruments da lavur e raits. Suenter questa fasa da metter impuls ed explorar novs tools stat en il focus la consolidaziun a lunga vista da las iniziativas e dals tools – en furma d’allianzas fermas e stabilas.
Jau sun ina persuna activa sin il sectur d’art e vuless inoltrar ina dumonda per mes project artistic en connex cun temas da la transfurmaziun (feministics, duraivels, etc.). È il format «Occurrenza: la cultura en transfurmaziun» adattà per quest intent?
Mo sche quest project vegn realisà en connex cun in’occurrenza publica en barat cun persunas spezialisadas da disciplinas betg artisticas ed organisada d’ina instituziun culturala. L’instituziun culturala sto inoltrar la dumonda. Per sustegnair projects artistics pudais Vus far ina dumonda correspundenta ad ina da las spartas da promoziun da Pro Helvetia.
Poss jau inoltrar il medem project a medem temp en differents formats da promoziun?
Na.
Jau sun artista e vuless inoltrar ina dumonda per ina retschertga artistica. È quai pussaivel en il rom da Art+: contribuziun da retschertga?
Na, As drizzai per plaschair a la partiziun da la sparta correspundenta.
Jau hai la naziunalitad svizra, stun dentant a l’exteriur. Poss jau far ina dumonda da sustegn?
Pro Helvetia sustegna artistas ed artists (persunas singulas e collectivs) che lavuran principalmain en Svizra. Sche Vus abitais a l’exteriur, stuais Vus pudair cumprovar che Vus faschais part da la scena d’art e da cultura svizra, cun esser per exempel regularmain activ:a e preschent:a en Svizra e survegnir daners da promoziun da la Svizra.
Avais vus dumondas e vulais vus discurrer cun ina commembra u cun in commember dal team?
Il team a in’egliada