© Dirk Koy

Litteratura

A tgi sa drizzan noss formats?

Nus sustegnain la creaziun artistica e la derasaziun e promoziun en ils secturs belletristica, lirica, dramatica, litteratura per uffants e giuvenils, translaziun litterara, spoken word e comics.

Nossas activitads da promoziun sa drizzan a scriptur:as professiunal:as, tant a persunas natiralas sco er a persunas giuridicas, che creeschan ed insceneschan ovras artisticas. Ultra da quai sustegnain nus chasas edituras cun structuras professiunalas ed in’impurtanza surregiunala sco er instituziuns che organiseschan occurrenzas cun in program curatori naziunal e/u internaziunal da plirs onns e cun in’impurtanza surregiunala.

Tgeninas èn nossas activitads da promoziun?

  • preschientschas sin plattafurmas, accents svizzers e represchentaziuns svizras a chaschun da fieras da cudeschs internaziunalas
  • mobilitad internaziunala e naziunala da scriptur:as e da translatur:as sco era d’exposiziuns (litteratura e comics) da la Svizra
  • translaziuns da litteratura contemporana svizra actuala e contribuziuns a translatur:as per la creaziun da samples e dossiers da preschentaziun
  • mesiras da promoziun en Svizra e sin plaun internaziunal
  • occurrenzas che promovan la creaziun da raits
  • contribuziuns da creaziun
  • contribuziuns da project per translaziuns litteraras a translatur:as sviz:ras
  • publicaziuns discursivas
  • lavuratoris da translatar
  • contribuziuns da retschertga
  • residenzas e viadis da retschertga
  • Pro Helvetia sustegna ensemen cun instituziuns partenarias programs specifics per giuv:nas autur:as e giuvn:as translatur:as
  • Pro Helvetia fa part da la rait da translaziun TRADUKI
  • Pro Helvetia è partenaria da la plattafurma da promoziun New Books in German
  • Pro Helvetia è partenaria da la plattafurma d’adapziun Shoot the Book! dal Festival internaziunal dal film a Cannes

Translate Swiss Books

Translate Swiss Books è in’offerta en lingua englaisa per derasar litteratura svizra sin plaun naziunal ed internaziunal. La plattafurma preschenta ina tscherna d’ediziuns novas en tut las linguas che pudessan vegnir translatadas cun sustegn da la Fundaziun svizra per la cultura Pro Helvetia.


FAQs

Jau abitesch en Svizra, ma n’hai betg la naziunalitad svizra. Poss jau inoltrar ina dumonda da sustegn?

Gea, sche Vus abitais en Svizra ed essas preschent:a en la scena litterara svizra. Quai è il cas, sche Vus pudais cumprovar activitads surregiunalas en furma da prelecziuns e d’autras represchentaziuns e/u ina preschientscha en las medias surregiunalas.

Tge manegia Pro Helvetia cun «litteratura contemporana actuala»?

Cun litteratura contemporana actuala manegiain nus litteratura da scriptur:as ch’èn oz activ:as artisticamain.

Tge manegia Pro Helvetia cun «impurtanza naziunala»?

In’occurrenza ha per nus impurtanza naziunala, sche sia programmaziun resguarda posiziuns da pliras regiuns linguisticas e sche l’occurrenza ha ina radiaziun surregiunala. Per la promoziun dad autur:as è decisiva la preschientscha surregiunala en la scena litterara.

Nua chat jau infurmaziuns detagliadas davart la procedura d’inoltrar dumondas?

Ils formats correspundents chattais Vus en la secziun Chattar sustegn. Controllai, cur che Vus tschernis ils parameters che As correspundan.

Sustegna Pro Helvetia cudeschs tematics e lur translaziuns?

Na, cun excepziun da publicaziuns discursivas.

Sustegna Pro Helvetia translaziuns internaziunalas dad ovras d’autur:as sviz:ras betg contemporan:as?

Na, quellas na vegnan per regla betg sustegnidas. En cas excepziunals motivads po Pro Helvetia sustegnair texts d’autur:as sviz:ras mort:as dacurt e l’emprima translaziun d’ina ovra d’in:a autur:a dal 20avel tschientaner en in territori linguistic e/u en ina chasa editura che n’ha anc betg publitgà litteratura svizra.

Ultra da quai pon translatur:as da la Svizra inoltrar ina dumonda per ina contribuziun da project ad ina translaziun litterara.

Poss jau inoltrar ina dumonda da sustegn per ils custs da stampa?

Na, nus na dain naginas contribuziuns als custs da stampa.


Avais vus dumondas e vulais vus discurrer cun ina commembra u cun in commember dal team?

Il team a in’egliada