Chattar sustegn
abstract colorful shapes interpreting the concept of weaving that links the liaison offices visuals thematically
© Samuel Gillham

Pro Helvetia
Johannesburg

Il post a l’exteriur da Pro Helvetia a Johannesburg, fundà l’onn 1998, s’engascha per il barat cultural e la collavuraziun artistica tranter la Svizra e l’Africa Meridiunala, l’Africa da l’Ost, l’Africa Centrala e l’Africa dal Vest.

Noss team cun expertas ed experts locals promova e sustegna inscunters professiunals da las scenas d’art en las spartas sustegnidas da Pro Helvetia. Nus entrain en contact cun organisaturs e tgirain contacts durabels cun plattafurmas relevantas per sustegnair la promoziun e la derasaziun da l’art svizzer en la regiun. Noss stipendis pussibiliteschan residenzas e viadis da retschertga en omaduas direcziuns per promover il barat cultural.

Tgi essan nus?

FAQs
Residenzas
Chattar sustegn
Contribuziuns assegnadas

A tgi ans adressain nus?

  • Artistas ed artists sco er persunas activas en il champ cultural en Svizra ed en la regiun
  • Curaturs ed organisaturs d’occurrenzas culturalas e creaders da program en Svizra ed en la regiun
  • Organisaziuns, plattafurmas ed instituziuns che sustegnan il barat e la preschentaziun d’ovras per il public en la regiun

Nua essan nus activs?

Actualmain lavurain nus en ina filiala strategica ed administrativa a Johannesburg ed ans engaschain tradiziunalmain en la regiun da l’Africa Meridiunala. Nus ans concentrain en emprima lingia sin l’Africa dal Sid, Mosambic, Simbabwe e sin la Republica Democratica dal Congo.

Dapi l’onn 2020 avain nus extendì il territori d’incumbensas geografic dal post a l’exteriur sin l’Africa Centrala, l’Africa dal Vest e l’Africa da l’Ost. Ils pajais, en ils quals nus collavurain il pli activamain cun partenarias e partenaris al lieu e raits da contact, én Kenia, Uganda, Ruanda ed Etiopia (en l’Africa da l’Ost) sco er Nigeria, Ghana, Senegal, Mali e la Costa d’Ivur (en l’Africa dal Vest). Nus sustegnain er iniziativas che includan auters pajais en quest territori extendì, dentant plitost tenor basegn.

Nossas activitads da promoziun

  • Nus promovain la preschentaziun d’ovras svizras contemporanas en la regiun cun la participaziun a festivals, a turneas, ad exposiziuns ed ad occurrenzas.
  • Nus sustegnain il barat professiunal ed il contact tranter artistas ed artists, persunas activas en il champ cultural e partenaris da la Svizra e da la regiun en omadus contexts geografics.
  • Nus manain in program da residenza e sustegnain viadis da retschertga per singuls artists e per persunas activas en il champ cultural da la Svizra e da la regiun. Ulteriuras infurmaziuns davart nossa rait da partenaris da residenza ed ils mussavias da las residenzas chattais Vus qua.
  • Nus tschernin projects sin basa da lur cuntegn excellent e da lur relevanza en il context regiunal.

What’s on

Vesair tut

Dumondas frequentas

Jau sun in’artista u in artist da la regiun. Tge pussaivladads da promoziun porscha Pro Helvetia?

Ils formats correspundents chattais Vus en la secziun Chattar sustegn. Controllai, cur che Vus tschernis ils parameters che As correspundan.

Jau sun in’artista u in artist da la regiun e vuless preschentar mia lavur en Svizra. Survegn jau sustegn finanzial da Pro Helvetia?

Na. Per il solit na sustegnain nus betg la preschentaziun d’ovras, per exempel cun exposiziuns e turneas en Svizra. Per plaschair As infurmai sin artlink davart las pussaivladads da finanziaziun per la preschentaziun d’ovras en Svizra.

Jau sun in’artista u in artist da la regiun e vuless dumandar la finanziaziun d’in project en in pajais che vegn tgirà d’in auter post a l’exteriur. Survegn jau sustegn finanzial da Pro Helvetia?

Na. Nus sustegnain mo projects d’artistas e d’artists sco er da partenaris da la regiun che han in connex evident cun la Svizra e che includan artistas ed artists svizzers en ina u l’autra furma.

Jau sun in’artista u in artist da la regiun e vuless dumandar la finanziaziun per in project en in auter pajais da la regiun. Survegn jau sustegn finanzial da Pro Helvetia?

Na. Nus sustegnain mo projects che han in connex evident cun la Svizra e che includan artistas ed artists svizzers.

Poss jau m’annunziar per in project en in pajas che n’è anc betg represchentà en Vossa regiun?

Na. Per plaschair examinai las regiuns represchentadas d’auters posts a l’exteriur per chattar il biro ch’è responsabel per Vus.

Jau sun ina studenta u in student e tschertg sustegn. Survegn jau sustegn finanzial da Pro Helvetia?

Na. Nus na finanziain naginas furmaziuns terziaras.

Jau hai ina proposta per in project, ma nagin partenari svizzer. Ma collia Pro Helvetia cun partenaris svizzers relevants?

Per plaschair As drizzai al responsabel respectiv da program per Vossa regiun.

Jau appartegn ad ina societad d’art en la regiun. Tge pussaivladads da finanziaziun porscha Pro Helvetia?

Ils formats correspundents chattais Vus en la secziun Chattar sustegn. Controllai, cur che Vus tschernis ils parameters che As correspundan.

Co daventain nus sco societad d’art regiunala part da la rait da partenaris da Pro Helvetia en la regiun?

Ils formats correspundents chattais Vus en la secziun Förderung Finden. Controllai, cur che Vus tschernis ils parameters che As correspundan.

Jau sun ina curatura resp. in curatur u/ed in organisatur resp. in’organisatura d’occurrenzas culturalas. Tge pussaivladads da finanziaziun porscha Pro Helvetia?

Ils formats correspundents chattais Vus en la secziun Chattar sustegn. Controllai, cur che Vus tschernis ils parameters che As correspundan.

Avais vus dumondas e vulais vus discurrer cun ina commembra u cun in commember dal team?

Contact

Il team a in’egliada

Organisaziun