Pro Helvetia
Cairo
Il post a l’exteriur da Pro Helvetia a Cairo, fundà l’onn 1988, s’engascha per il barat cultural e la collavuraziun artistica tranter la Svizra e la regiun araba.
Noss team cun expertas ed experts locals promova e sustegna inscunters professiunals da las scenas d’art en las spartas sustegnidas da Pro Helvetia. Nus entrain en contact cun organisaturs e tgirain contacts durabels cun plattafurmas relevantas per sustegnair la promoziun e la derasaziun da l’art svizzer en la regiun. Noss stipendis pussibiliteschan residenzas e viadis da retschertga en omaduas direcziuns per promover il barat cultural.
Tgi essan nus?
A tgi ans adressain nus?
- Artistas ed artists sco er persunas activas en il champ cultural en Svizra ed en la regiun
- Curaturs ed organisaturs d’occurrenzas culturalas e creaders da program en Svizra ed en la regiun
- Organisaziuns, plattafurmas ed instituziuns che sustegnan il barat e la preschentaziun d’ovras per il public en la regiun
Nua essan nus activs?
Noss team sa chatta a Cairo. Nus lavurain en l’entira regiun araba e sustegnain projects en l’Algeria, en Egipta, Jordania, en il Libanon, en il Maroc, en Tunesia, en Palestina ed en ils Emirats Arabs Unids.
Nossas activitads da promoziun
- Nus promovain la preschentaziun d’ovras svizras contemporanas en la regiun cun la participaziun a festivals, a turneas, ad exposiziuns ed ad occurrenzas.
- Nus sustegnain il barat professiunal ed il contact tranter artistas ed artists, persunas activas en il champ cultural e partenaris da la Svizra e da la regiun en omadus contexts geografics.
- Nus manain in program da residenza e sustegnain viadis da retschertga per singuls artists e per persunas activas en il champ cultural da la Svizra e da la regiun. Ulteriuras infurmaziuns davart nossa rait da partenaris da residenza ed ils mussavias da las residenzas chattais Vus qua.
- Nus tschernin projects sin basa da lur cuntegn excellent e da lur relevanza en il context regiunal.
What’s on
-
Residenzas 2027: Infurmaziuns
-
Masterclass Illustration bringt eine Delegation von Kinderbuchillustrierenden nach China
-
Internationale Plattformen als Spotlight für Schweizer Musik
-
Co-creation: selected projects 2025
-
Drawing ties in the comics scene: global delegation in Switzerland
-
SwissGames an der Gamescom 2025
-
Spotlight on circus in Switzerland: Visitors from abroad
-
Selected artists in residence 2026
Dumondas frequentas
Jau sun in’artista u in artist da la regiun araba. Tge pussaivladads da promoziun porscha Pro Helvetia?
Ils formats correspundents chattais Vus en la secziun Chattar sustegn. Controllai, cur che Vus tschernis ils parameters che As correspundan.
Jau sun in’artista u in artist da la regiun araba e vuless preschentar mia lavur en Svizra. Survegn jau sustegn finanzial da Pro Helvetia?
Na. Per il solit na sustegnain nus betg la preschentaziun d’ovras, per exempel cun exposiziuns e turneas en Svizra. Per plaschair As infurmai sin artlink davart las pussaivladads da finanziaziun per la preschentaziun d’ovras en Svizra.
Jau sun in’artista u in artist da la regiun araba. Hai jau il dretg sin ina contribuziun ad in’ovra?
Na. Sco fundaziun naziunala sustegna Pro Helvetia mo contribuziuns ad in’ovra per artistas ed artists cun naziunalitad svizra u cun domicil permanent en Svizra. Candidatas e candidats che han fatg in viadi da retschertga u èn stads en ina residenza sustegnida da Pro Helvetia pon s’annunziar per ina contribuziun ad in’ovra da creaziun cuminaivla.
Jau sun ina studenta u in student ed jau tschertg sustegn. Survegn jau sustegn finanzial da Pro Helvetia?
Na. Nus na finanziain naginas furmaziuns terziaras.
Jau sun in’artista u in artist da la regiun araba e vuless dumandar la finanziaziun per in project en in auter pajais da la regiun. Survegn jau sustegn finanzial da Pro Helvetia?
Na. Nus sustegnain mo projects che han in connex evident cun la Svizra e che includan artistas ed artists svizzers.
Organisais Vus events u programs da furmaziun culturals?
Pro Helvetia Cairo n’è betg in center da cultura e n’organisescha u cura ni occurrenzas culturalas ni programs da furmaziun. Projects sustegnids da Pro Helvetia Cairo vegnan manads ed organisads da partenaris svizzers ed arabs.
Jau hai ina proposta per in project, ma nagin partenari svizzer. Ma collia Pro Helvetia cun partenaris svizzers relevants?
Per plaschair As drizzai al responsabel respectiv da program per Vossa regiun.
Avais vus dumondas e vulais vus discurrer cun ina commembra u cun in commember dal team?
Il team a in’egliada