Pro Helvetia
Moscau

Il post a l’exteriur en Russia è vegnì avert l’onn 2017 suenter il program da 3 onns “Swiss Made in Russia. Contemporary Cultural Exchanges 2013–2016.” En il rom da quest program han gì lieu var milli occurrenzas culturalas en var 70 citads en tut la Russia, las qualas gidan a stabilir contacts e promovan in dialog avert tranter las artistas ed ils artists da quests dus pajais. L’incumbensa centrala da Pro Helvetia è quella da construir punts e da promover l’access ed il dialog tranter las culturas.

Pro Helvetia ha condemnà severamain, dapi l’emprim di, l’offensiva russa cunter l’Ucraina. Sco reacziun immediata sin la guerra ha Pro Helvetia decidì d’interrumper il sustegn da tut las activitads publicas en Russia e da sa concentrar sin las pussaivladads dal barat cultural. Al medem mument han ins decidì d’examinar regularmain la situaziun.

En il rom dal mandat reducì da Pro Helvetia Moskau èn vegnids sustegnids durant ils onns 2022 e 2023 mo pli il barat direct tranter artistas ed artists sco er persunas activas en il champ cultural en furma da residenza u projects da retschertga.

En vista a la situaziun politica invariabla e la guerra cuntinuanta tranter la Russia e l’Ucraina ha la fundaziun constatà, ch’i n’era betg pli pussibel per il biro a Moscau d’ademplir ses mandat e promover la cultura svizra en Russia. Suenter ina decisiun da princip il november 2023 ha decidì il Cussegl da fundaziun en sia sesida dals 28 da favrer 2024 da sistir las activitads dal biro sin la fin da l’onn 2024.

En accord cun l’incumbensa da promover il dialog cultural è la fundaziun persvadida ch’il barat cun la scena d’art independenta duai percunter vegnir mantegnì. Per quest intent vegn ad esser endrizzada a partir dal 1. da schaner 2025, ina structura minimala en furma d’ina unitad per il barat cultural, per in’emprima fasa da pilot da dus onns.

A tgi ans adressain nus?

Nua essan nus activs?

Nossas activitads da promoziun


Noss partenaris da residenza

Resguardai per plaschair che Pro Helvetia Moscau n’elavura per il mument naginas novas dumondas per residenzas en la regiun. 


Avais vus dumondas e vulais vus discurrer cun ina commembra u cun in commember dal team?

Il team a in’egliada