Pro Helvetia
Nova Delhi
Il post a l’exteriurda colliaziun da Pro Helvetia a New Nova Delhi, fundà l’onn 2007, s’engascha per il barat cultural e la collavuraziun artistica tranter la Svizra e l’Asia dal Sid. Dapi il 2020 ha Pro Helvetia New Delhi extendì ses champ d’activitad sin il Vietnam. Perquai cumpiglia la regiun d’activitad actualmain divers pajais en l’Asia dal Sid ed il Vietnam.
Noss team cun expertas ed experts locals promova e sustegna inscunters professiunals da las scenas d’art en las spartas sustegnidas da Pro Helvetia. Nus entrain en contact cun organisaturs e tgirain contacts durabels cun plattafurmas relevantas per sustegnair la promoziun e la derasaziun da l’art svizzer en la regiun. Noss stipendis pussibiliteschan residenzas e viadis da retschertga en omaduas direcziuns per promover il barat cultural.
Tgi essan nus?
A tgi ans adressain nus?
- Artistas ed artists sco er persunas activas en il champ cultural en Svizra ed en la regiun
- Curaturs ed organisaturs d’occurrenzas culturalas e creaders da program en Svizra ed en la regiun
- Organisaziuns, plattafurmas ed instituziuns che sustegnan il barat e la preschentaziun d’ovras per il public en la regiun
Nua essan nus activs?
Noss team sa chatta a New Delhi. Nus sustegnain projects en l’India, en il Bangladesch, il Butan, il Nepal, il Pakistan, a Sri Lanka ed en il Vietnam.
Nossas activitads da promoziun
- Nus promovain la preschentaziun d’ovras svizras contemporanas en la regiun cun la participaziun a festivals, a turneas, ad exposiziuns ed ad occurrenzas.
- Nus sustegnain il barat professiunal ed il contact tranter artistas ed artists, persunas activas en il champ cultural e partenaris da la Svizra e da la regiun en omadus contexts geografics.
- Nus manain in program da residenza e sustegnain viadis da retschertga per singuls artists e per persunas activas en il champ cultural da la Svizra e da la regiun. Ulteriuras infurmaziuns davart nossa rait da partenaris da residenza ed ils mussavias da las residenzas chattais Vus qua.
- Nus tschernin projects sin basa da lur cuntegn excellent e da lur relevanza en il context regiunal.
What’s on
-
Residenzas 2027: Infurmaziuns
-
Masterclass Illustration bringt eine Delegation von Kinderbuchillustrierenden nach China
-
Internationale Plattformen als Spotlight für Schweizer Musik
-
Co-creation: selected projects 2025
-
Finding synergies in international transdisciplinary collaboration
-
Fostering deeper relationships: research and reciprocity in curatorial practice
-
Translating practices: learnings from curators’ trips to Switzerland
-
Selected artists in residence 2026
Dumondas frequentas
Jau sun in’artista u in artist da l’Asia dal Sid u dal Vietnam. Tge pussaivladads da promoziun porscha Pro Helvetia?
Ils formats correspundents chattais Vus en la secziun Chattar sustegn. Controllai, cur che Vus tschernis ils parameters che As correspundan.
Jau vuless translatar in cudesch da la Svizra en ina lingua da l’Asia dal Sid u dal Vietnam. Survegn jau sustegn finanzial da Pro Helvetia?
Gea. Pro Helvetia sustegna translaziuns d’ovras d’auturas e d’auturs svizzers en autras linguas. Tut nossas mesiras da promoziun relevantas chattais Vus sut Chattar sustegn.
Jau sun in’artista u in artist da l’Asia dal Sid u dal Vietnam e vuless preschentar mia lavur en Svizra. Survegn jau sustegn finanzial da Pro Helvetia?
Na. Per il solit na sustegnain nus betg la preschentaziun d’ovras, per exempel cun exposiziuns e turneas en Svizra. Per plaschair As infurmai sin artlink davart las pussaivladads da finanziaziun per la preschentaziun d’ovras en Svizra.
Poss jau m’annunziar per in project en in pajais che n’è anc betg represchentà en la regiun da l’Asia dal Sid u en il Vietnam?
Na. Per plaschair examinai las regiuns represchentadas d’auters posts a l’exteriur per chattar il biro ch’è responsabel per Vus.
Poss jau m’annunziar per ina residenza tar in partenari che n’è anc betg sin Vossa glista da partenaris?
Gea. Nus collavurain cun ina rait d’organisaziuns che mainan residenzas per giasts ed empruvain d’adattar mintga project uschè bain sco pussaivel als basegns da las singulas persunas activas en il champ cultural. Las candidatas ed ils candidats vegnan supplitgads da trair en consideraziun las organisaziuns ch’èn sin nossa glista da partenaris. Els n’èn dentant betg obligads.
Avais vus dumondas e vulais vus discurrer cun ina commembra u cun in commember dal team?
Il team a in’egliada