Pro Helvetia America dal Sid
Il post a l’exteriur da Pro Helvetia en l’America dal Sid, fundà l’onn 2021, s’engascha per il barat cultural e la collavuraziun artistica tranter la Svizra e l’America dal Sid. Nossas collavuraturas e noss collavuraturs lavuran decentralmain a Bogotá, Buenos Aires, La Paz, São Paulo ed a Santiago (nua ch’er la sedia principala sa chatta).
Noss team cun expertas ed experts locals promova e sustegna inscunters professiunals da las scenas d’art en las spartas sustegnidas da Pro Helvetia. Nus entrain en contact cun organisaturs e tgirain contacts durabels cun plattafurmas relevantas per sustegnair la promoziun e la derasaziun da l’art svizzer en la regiun. Noss stipendis pussibiliteschan residenzas e viadis da retschertga en omaduas direcziuns per promover il barat cultural.
Tgi essan nus?
A tgi ans adressain nus?
- Artistas ed artists sco er persunas activas en il champ cultural en Svizra ed en la regiun
- Curaturs ed organisaturs d’occurrenzas culturalas e creaders da program en Svizra ed en la regiun
- Organisaziuns, plattafurmas ed instituziuns che sustegnan il barat e la preschentaziun d’ovras per il public en la regiun
Nua essan nus activs?
Nus essan activs en tut l’America dal Sid e sustegnain projects en l’Argentinia, Bolivia, Brasilia, en il Chile, Columbia, Ecuador, Paraguai, Peru, Uruguai ed en Venezuela.
Nossas activitads da promoziun
- Nus promovain la preschentaziun d’ovras svizras contemporanas en la regiun cun la participaziun a festivals, a turneas, ad exposiziuns ed ad occurrenzas.
- Nus sustegnain il barat professiunal ed il contact tranter artistas ed artists, persunas activas en il champ cultural e partenaris da la Svizra e da la regiun en omadus contexts geografics.
- Nus manain in program da residenza e sustegnain viadis da retschertga per singuls artists e per persunas activas en il champ cultural da la Svizra e da la regiun. Ulteriuras infurmaziuns davart nossa rait da partenaris da residenza ed ils mussavias da las residenzas chattais Vus qua.
- Nus tschernin projects sin basa da lur cuntegn excellent e da lur relevanza en il context regiunal.
What’s on
-
Indigenous knowledge and contemporary expression
-
She Got Game 2026: selected participants
-
Synergies: selected projects 2026
-
Cultivating contact zones: art, climate, and the planetary future
-
Residency reflections: five artist in residence stories
-
Residenzas 2027: Infurmaziuns
-
Weaving lasting ties between the Swiss and Colombian Dance Scenes
-
Community for women in gaming: She Got Game delegation in Argentina
Dumondas frequentas
Jau sun in’artista u in artist da l’America dal Sid. Tge pussaivladads da promoziun porscha Pro Helvetia?
Ils formats correspundents chattais Vus en la secziun Chattar sustegn. Controllai, cur che Vus tschernis ils parameters che As correspundan.
Co poss jau m’annunziar per ina residenza/in viadi da retschertga en Svizra u en l’America dal Sid?
L’annunzia per noss program da residenza è averta ina giada l’onn dal schaner fin il 1. da mars. Dumondas per viadis da retschertga pon vegnir inoltradas successivamain. Persunas activas en il champ cultural da la Svizra (q.v.d. burgaisas e burgais svizzers u persunas cun domicil permanent en Svizra) pon s’annunziar per residenzas en l’America dal Sid. Persunas activas en il champ cultural da l’America dal Sid pon medemamain s’annunziar per projects en Svizra.
Poss jau m’annunziar per ina residenza tar in partenari che n’è anc betg sin la glista da Voss partenaris?
Gea. Nus collavurain cun ina rait d’organisaziuns che pon manar residenzas ospitantas ed empruvain d’adattar mintga project uschè bain sco pussaivel als basegns da las singulas persunas activas en il champ cultural. Las candidatas ed ils candidats vegnan supplitgads da trair en consideraziun las organisaziuns ch’èn sin nossa glista da partenaris. Els n’èn dentant betg obligads.
Jau sun in’artista u in artist da l’America dal Sid e vuless preschentar mia lavur en Svizra. Survegn jau sustegn finanzial da Pro Helvetia?
Na. Per il solit na sustegnain nus betg la preschentaziun d’ovras, per exempel cun exposiziuns e turneas en Svizra. Per plaschair As infurmai sin artlink davart las pussaivladads da finanziaziun per la preschentaziun d’ovras en Svizra.
Jau sun in’artista u in artist da l’America dal Sid e vuless dumandar la finanziaziun per in project en in auter pajais da la regiun. Survegn jau sustegn finanzial da Pro Helvetia?
Na. Nus sustegnain mo projects che han in connex evident cun la Svizra e che includan artistas ed artists svizzers.
Poss jau m’annunziar per in project en in pajas che n’è anc betg represchentà en Vossa regiun?
Na. Il mandat da noss biro sa limitescha a l’America dal Sid.
Jau vuless translatar in cudesch da la Svizra en ina lingua da l’America dal Sid. Survegn jau sustegn finanzial da Pro Helvetia?
Gea. Pro Helvetia sustegna translaziuns d’ovras d’auturas e d’auturs svizzers en autras linguas. Tut nossas mesiras da promoziun relevantas chattais Vus sut Chattar sustegn.
Jau sun ina burgaisa u in burgais svizzer cun domicil en l’America dal Sid e vuless sustegnair in’exposiziun/occurrenza en questa regiun. Survegn jau sustegn da Pro Helvetia?
Na. Per pudair dumandar sustegn per exposiziuns u occurrenzas en las regiuns dal post a l’exteriur ston persunas activas en il champ cultural preschentar ina cumprova da prestaziun artistica persvadenta en Svizra: in’activitad artistica d’influenza naziunala/surregiunala.
Avais vus dumondas e vulais vus discurrer cun ina commembra u cun in commember dal team?
Il team a in’egliada