Per incumbensa dal cussegl da fundaziun tschertgain nus per il 1. da zercladur 2025 u tenor cunvegna:

Directura/Directur 100 %

La Fundaziun svizra per la cultura Pro Helvetia dumbra bundant 120 collavuraturas e collavuraturs en Svizra ed en sis posts a l’exteriur che s’engaschan per la lavur artistica e culturala contemporana da la Svizra. Per incumbensa da la Confederaziun sustegna Pro Helvetia la diversitad e la qualitad da la lavur artistica professiunala e sia derasaziun en l’entir mund. Pro Helvetia s’engascha per l’egualitad da las schanzas e per la persistenza sco era per cundiziuns favuraivlas per artistas ed artists e per persunas activas sin il champ cultural.

Per incumbensa dal cussegl da fundaziun tschertgain nus per il 1. da zercladur 2025 u tenor cunvegna ina persuna versada ed innovativa cun dun da manar e cun enconuschientschas excellentas dal manaschi d’art e da cultura svizzer.


Vossas incumbensas

  • Sco directura/directur da la Fundaziun svizra per la cultura Pro Helvetia sviluppais Vus las basas strategicas per mauns dal cussegl da fundaziun e da la Confederaziun (missiva da cultura).
  • Vus essas responsabla/responsabel per la realisaziun professiunala ed autonoma da las incumbensas.
  • Vus procurais per il svilup tematic, organisatoric e dal persunal da l’instituziun e per la garanzia da la qualitad da quella.
  • Vus represchentais la fundaziun vers l’exteriur, essas responsabla/responsabel per la collavuraziun cun il Departement federal da l’intern (DFI) e l’Uffizi federal da cultura (UFC) sco era per la collavuraziun cun ils posts da promoziun dals chantuns e da las citads, cun las organisaziuns culturalas e cun las partenarias ed ils partenaris a l’exteriur.
  • En collavuraziun cun la direcziun garantis Vus ina cultura da manar coerenta e dinamica.

Vossas cumpetenzas

Per questa funcziun multifara tschertgain nus ina persunalitad che ademplescha cumplainamain u parzialmain las suandantas pretensiuns:

  • Vus disponis d’in diplom d’universitad/da scola auta spezialisada u d’in diplom cumparegliabel, lavurais dapi plirs onns en il sectur cultural ed avais cumprovadas experientschas professiunalas e da manar sin quel champ.
  • Vus avais ina gronda sensibilitad per process politics, particularmain a nivel naziunal, ed essas versada/versà cun incumbensas pretensiusas e cun constellaziuns d’interess cumplexas.
  • Vus disponis d’ina buna rait da contacts en la scena culturala svizra.
  • Vus avais in pensar analitic, ideas innovativas e persvadais cun Vossas cumpetenzas da communicaziun tant a bucca sco en scrit.
  • Sco persunalitad cun dun da manar essas Vus integrativa/integrativ, agis tenor princips d’interpresa, surpigliais gugent responsabladad, essas flexibla/flexibel ed abla/abel da lavurar sut squitsch.
  • Vus essas conscienta/conscient da la plurilinguitad culturala da noss pajais.
  • Vus avais fitg bunas enconuschientschas dad almain duas linguas uffizialas e da l’englais.

Voss avantatgs

  • In ambient naziunal ed internaziunal dinamic marcà da la cultura e da la politica.
  • Collavuraturas e collavuraturs motivads e qualifitgads.
  • Spazi per iniziativa e responsabladad persunala.
  • In lieu da lavur attractiv en il center da Turitg e la pussaivladad da lavurar per part era davent da chasa.
  • Fitg bunas prestaziuns socialas e fitg buns supplements per la tgira d’uffants e supplements da famiglia cumplementars.

Voss lieu da lavur

Hirschengraben 22
8024 Turitg


Avain nus sveglià Voss interess?

iek Institut für emotionale Kompetenz AG sa legra da Vossa annunzia fin ils 3 da fanadur.

Candidaturas da top-sharing èn pussiblas.

Questa plazza è limitada a 10 onns (limitaziun dal temp d’uffizi).

Avais Vus dumondas?

Alexandra Feller
alexandra.feller@iek.ch
+41 (0)31 333 42 33

iek Institut für emotionale Kompetenz AG

Logo iek