Organisaziun
Organigram
Il cussegl da fundaziun è responsabel per la strategia da Pro Helvetia e sia governance. El fixescha las directivas ed ils accents da l’activitad da la fundaziun e controlla la gestiun.
Il directur maina la sedia principala e presidiescha il comité directiv. Il comité directiv è responsabel per la realisaziun da las strategias e da las activitads da promoziun.
Ils secturs e las partiziuns elavuran las dumondas per sustegn finanzial, sviluppan concepts e mesiras da promoziun, èn responsabels per projects da derasaziun e da promoziun, cusseglian organisaturas ed organisaturs sco er artistas ed artists, tgiran la rait globala e realiseschan las atgnas iniziativas.
Ils biros da la sedia principala sa chattan a Turitg. A l’exteriur gestiunescha la fundaziun sis posts exteriurs. Tar quels tutgan ils biros da colliaziun a Johannesburg, Kairo, New Delhi, Shanghai ed en l’America dal Sid sco er il Centre culturel suisse a Paris.
La cumissiun d’expertas e d’experts, differentas giurias sco er expertas ed experts externs tschernids giuditgeschan sche necessari dumondas da sustegn sco era projects da la fundaziun e cusseglian la sedia principala en connex cun dumondas dal cuntegn.
Ulteriuras infurmaziuns davart l’organisaziun chattais Vus en l’urden da fatschenta ed en l’ordinaziun da contribuziuns.
