Plazzas libras

Voss engaschament per l’art e la cultura svizra

Pro Helvetia è la fundaziun svizra per la cultura da la Confederaziun. Ella ha passa 110 collavuraturas e collavuraturs en Svizra ed en numerusas regiuns dal mund che s’engaschan per l’art e la cultura svizra.

Nus avain l’incumbensa da promover artistas ed artists da la Svizra e da derasar lur ovras sur ils cunfins linguistics e naziunals. Sper la promoziun da la generaziun giuvna e dad ovras sustegnain nus represchentaziuns svizras a festivals, biennalas e fieras en tut il mund sco er il barat cultural internaziunal.

Nus avain plaschair che Vus vulais As engaschar en in ambient multifar e dinamic per nossas finamiras.

Annunzias spontanas

Sco organisaziun finanziada dal maun public vulain nus evitar custs administrativs nunnecessaris. Nus As supplitgain perquai da desister d’annunzias spontanas.

Ulteriuras infurmaziuns sur nossas plazzas libras chattais Vus sin la versiun tudestga, franzosa u taliana da nossa pagina-web. Grazia fitg.