Organisation
Reglaments
- Code da cumportament (PDF en englais)
Las emploiadas ed ils emploiads da Pro Helvetia s’obligheschan da viver in cumportament etic per contribuir a la vardaivladad e l’exemplaritad che caracteriseschan il maletg public, ils principis e la cultura da confidenza da la fundaziun. Il code da cumportament vala per tut las emploiadas e tut ils emploiads en l’entir mund, tant en chaussas da fatschenta sco er en il contact cun autras emploiadas ed auters emploiads, la publicitad, las autoritads e las partenarias ed ils partenaris.
- Ambient da lavur segir (PDF)
La Fundaziun svizra per la cultura Pro Helvetia na tolerescha naginas furmas da mulesta e discriminaziun en l’ambient da lavur e spetga il medem da sias gruppas d’interess externas, da sias petentas e ses petents sco era da sias instituziuns partenarias en tut il mund. Sco fundaziun publica ha Pro Helvetia la responsabladad e l’obligaziun da definir cleras reglas, proceduras e mesiras per cas interns ed externs.
Per cas che questa tenuta na vegniss betg resguardada sa considerescha Pro Helvetia sco autorisada da trair las consequenzas adattadas quai che pertutga la cooperaziun ed il pajament da sustegn finanzial.
Ils rapports davart mulestas vegnan prendids serius, tractads cun confidenza e proseguids da radent. Ina persuna che rapporta in cas relevant a Pro Helvetia na duai betg temair consequenzas negativas per ella u el.
