Noss biros e partenaris en l’entir mund

Saut

Infurmaziuns davart ils criteris da contribuziun e termins

Dumondas e sustegn (tudestg)

Promoziun online dals arts figurativs svizzers

performingarts-selection.ch

Sélection suisse en Avignon

www.selectionsuisse.ch

Pro Helvetia s’engascha per ina scena da saut variada e renconuschida internaziunalmain. Nus sustegnain la creaziun da novas choreografias e promovain represchentaziuns da gruppas ospitantas en las autras regiuns linguisticas da la Svizra. Nus contribuin als custs da viadi e da transport da turneas, per che ovras svizras vegnian era preschentadas a l’exteriur. Giuvens talents sustegnain nus cun purschidas da promoziun spezialas, per exempel cun programs da mentoring u cun residenzas. Projects d’intermediaziun che contribueschan a la confruntaziun dal public cun la creaziun da saut contemporana tutgan medemamain tar nossas activitads da promoziun.

Ensemen cun citads e chantuns sustegna Pro Helvetia cumpagnias da saut svizras ch’èn savens sin turnea cun cunvegnas da promoziun da trais onns. Actualmain profitan indesch cumpagnias da quest sustegn. Uschia rinforzain nus lur segirezza da planisaziun e lur flexibilitad. Cun nossa contribuziun a la rait da saut svizra Reso promovain nus la collavuraziun tranter las regiuns ed ans engaschain uschia per ina promoziun dal saut coordinada e cumplessiva en tut la Svizra. In project impurtant da Reso è la «Festa dal saut» en passa 20 citads da la Svizra.

Nus tegnain al current regularmain organisaturs internaziunals davart producziuns svizras. Nus cussegliain e sustegnain festivals da teater da l’exteriur en connex cun la programmaziun d’accents svizzers, envidain en Svizra persunas responsablas per il program per visiunaments ed essan participads a plattafurmas internaziunalas impurtantas sco l’IETM. Nus sustegnain er ils Dis svizzers da saut contemporan che carmalan mintga dus onns en Svizra organisaturs da tut il mund. Da nov avain nus lantschà il 2015 ensemen cun CORODIS la «Sélection suisse en Avignon» – ina vitrina per producziuns svizras al festival OFF ad Avignon.

Team

Felizitas Ammann
Leiterin Tanz

fammann@prohelvetia.ch

Rares Donca
Tanz

rdonca@prohelvetia.ch